KUCHING: Penemuai seraya gawa Kepala Menteri,Datuk Patinggi Tan Sri Adenan Satem ngagai London ensanus besai endar reti lebuh iya udah begulai enggau bala nembiak ke benung nampung pelajar sereta raban profesenyal peranak menua Sarawak din.
Nitihka penerang ari Opis Kepala Menteri, bala ke bisi datai betemu enggau iya maya nya nyengkaum ari Scotland, ke alai sida sama bekunsika pasal pemansang ti pemadu baru di Sarawak, juluk iya, polisi baru sereta inisiatif ba pengawa berimba kampung, pengawa beladang sereta pemansang menua pesisir.
Raban ke datai ngulu iya mega udah ngayanka pengawa ati ngagai inisiatif Kepala Menteri ba pengawa nagang pengawa berimba kampung, ngurangka tarif karan, nginsil bayar tol Lanang,sereta minta bayar nepan feri RM1 aja enggau sekeda pekara bukai.
Kelimpah ari nya, bala nembiak ke bisi datai mega teperindang sereta meri timbal ke positif ninga jaku Adenan sebaka enggau chara sida ti nitihka iya ba media rama baka Facebook, YouTube enggau ke bukai.
Sida mega berasai lantang ati enggau chara Adenan ngemaruhka diri sereta begulai enggau bala mayuh.-UB
Reviewed by Unknown
on
May 07, 2015
Rating:
No comments: