Tu Maya Sama Seati, Ukai Bepecah - Richard Riot

Ba Serian kemari, Menteri Sumber Manusia  iya nya Ahli Parlimen Serian, Datuk Seri Richard Riot Jaem udah ngelancharka Bilik Operasyen N23 DUN Bukit Semuja. Penatai ia mega di iring chalun baru BN ba DUN N23, iya nya John Ilus enggau chalun ADUN N22 Kedup, Martin Ben. 

Majlis ngelanchar nya nerima penatai lebih 100 iku raban ari ketuai-ketuai kampung, ketuai-ketuai kaum enggau beberapa iku agi pemimpin PBB ke mega datai deka meri sukung ngagai chalun baru BN N23 iya nya Jhon Ilus.

Ba aum pengarang media, udahka ngelanchar majlis nya, Datuk Seri Richard Riot mega madahka deka meri sukung penuh ngagai chalun BN ke dibaruh Parlimen ia. Kenu ku ia, penatai ia maya ari ngelanchar Bilik Operasyen nunjukka sukung ia ke nadai bebagi ungkup chakun ke dipilih Kepala Menteri ba pengawa bepilih taun tu.

Ba aum media ke sama, ia mega madah bisi beberapa iku sida ia ke enda setuju enggau pemilih John Ilus nyadi chalun DUN N23 Bukit Semuja. Ia ngelalau, perbezaan pendapat nya semina ngerugika BN enggau sekali gus nyadika kebuah BN ba DUN nya lemah.

Ia nemu, kemaya nyadi siti DUN ke baru, meseti mayuh ngarapka ulih nyadi chalun BN kena pengawa bepilih tu. Tang, enggau tegas ia nesau awakka sida ka baka "ngerajuk" nya nikal pulai baru ke jalai asal BN demi nengeri Sarawak..

Ku ia, sebarang konflik peribadi enda sepatut ia dipanjaika laban diatu, misi ia deka meda semua DUN dibaruh Parlimen Serian agi ba genggaman BN. Maya tu, ia nesau semua pihak ngelupaika ka pemasalah tu enggau sama seati dibaruh chalun ke dipilih Tan Sri Haji Adenan Satem empu.

#PRNSARAWAK