SIBU: Ketuai Polis Sibu ACP Saiful Bahri madah, salah ba undang-undang ngagai mensia mayuh ti mandangka tanda pangkat tauka plat kerita ti bisi logo polis.
Bejaku ngagai pengarang berita ensanus ku iya, polis nadai kala ngeluarka logo ba sebarang tanda pangkat tauka plat kerita ngagai mensia mayuh, seraya madah nya nyadi siti penyalah ngagai orang ti mandangka nya ba kerita enggau sebarang palan endur mensia mayuh.
Iya minta mensia mayuh anang mudah dikemeli lalu pechaya sida ulih meli barang nya ngambi dipandang tauka ditaruh.
“Kami nandu baru nangkan mensia mayuh ngelaban pengawa nya. Mega salah nyual barang nya. Pengawa tu tau disalahguna sida ti ngereja penyalah. Kami seruran beratika pekara tu.”
Saiful ditanya pasal pengawa nyual tanda pangkat nya, laban udah bisi dijual nengah online.
Ku iya, polis nadai kala ngemendarka mensia mayuh nyual nya.-BP
Tanda pangkat, plat kerita bisi logo polis enda tau dipandang sengapa
Reviewed by Unknown
on
December 08, 2016
Rating:
Reviewed by Unknown
on
December 08, 2016
Rating:
No comments: