27 iku Raban Nembiak Penan,Murum Bepeluang Ngelawa Bandaraya Kuching.

KUCHING: 27 iku nembiak bansa Penan ari sitak Murum,Belaga udah bepeluang ngelawa Bandaraya Kuching bengkah ka dua ari tu.

Menteri Muda Dagang Temuai Datuk Talib Zulpilip ti mega Chairman SEDC lebuh ka dikerandau madahka Program Bejadika Penemuai Seraya Belajar Nembiak Penan Murum (PPLSBBPM) tu meri peneleba enggau ngambi penemu sereta peransang nyerumba penemuai sida ke nengeri lebih agi beretika chara orang nengeri gawa ngena kereban moden ka diatu.

Talib nambahka agi "tu meh peneleba sereta penemu ti keterubah diatur ungkup nembiak bansa Penan ari Murum, udahnya ngambi ka bala sida nemu belajar kelimpah ari nimba pengelandik ti beguna.

Bala sida nembiak Penan ka datai ari Murum nya ti dipelanja Tabung Amanah Bakun (TAB) ti betuaika chairman gerempung nya Tan Sri Jemut Masing begulai enggau Kelab Nembiak Belaga Sarawak(KBBS) ngembuan juluk meri peluang ngagai sida ngulihka penemu sereta nambah peneleba ngambika sida nemu meransang sida ngulihka penemu sereta pengelandik dalam pelajar teknikal.

Talib ti mega chairman SEDC madahka program ngelawa ti dikereja tu udah diatur entara kerejasama dua ejensi iyanya SEDC enggau TAB ke endur bala nembiak Penan meda sereta ngelala bagi pengawa ti dikereja SEDC ke bukai kena ngangkatka penemu nembiak Penan jemah nyin ila.