Charut kuasa ke nyadi ba SPDP enggau SUPP diatu nuju ngagai permulaan ka baru pengudah beberapa iku wakil rakyat bergabung dalam Parti Tenaga Rakyat Sarawak (TERAS) kemarik.
Kena ngetan ka penuduk sida sebagai wakil rakyat Barisan Nasional (BN), TERAS ka bedaftar enggau Pendaftar Pertubuhan (ROS) kena 28 Ogos 2013 deka minta nyadi parti komponen tauka dikangau BN Plus.
Menteri Pemansang Rama Tan Sri William Mawan Ikom Presiden SPDP enggau lima iku wakil rakyat milih deka ningkilka diri ari parti komponen BN nyak.
DAtuk Peter Nansian Ngusie Kaban Kunsil nengeri (DUN) Tasik Biru. Datuk Sylvester Entri Muran (ADUN MArudi), Paulus PAlu Gumbang (DUN BAtu DAnau), Rosey Yunus (ADUN Bekenu) enggau Kaban Parlimen Baram Anyie Ngau mega ngambi pemutus deka ningkil ka diri ari parti komponen BN nyak.
Nitih ka jaku Mawan,ia sigi jalai ka pemadu manah kena mutar ka penanggul dalam SPDP enggau sida ka mayuh mantah pengawa ia nerima pulai empat iku ketuai sebedau tu di pecat ari parti.
Sidang media nyak turut serta Dato Sri Wong Soon Koh sebedau tu pengerusi SUPP Sibu.
Adun kebukai nitih pansut ari parti wakil ari SUPP Datuk Dr Jerip Susil (Adun Bengoh),DR Johnical Rayong (Adun Engkelili) enggau Ranum Mina (Adun Opar).
Turut serta ba TERAS (Adun Pelagus) George Lagong ari (SWP) madah ba media ia diatu enggau sida bukai tama parti TERAS.
Senentang pangku pengawa ba TERAS, Mawan madah deka di tetap ba maya bukai.
Reviewed by Admin
on
May 16, 2014
Rating:
No comments: