Anang Meda Ajak Pemansang Iya Ka Ada Ba Menua Dayak

Diatu majak pemansang udah di gagak perintah ngilah ba menua Dayak. Projek mit baka MRP enggau RTP udah nyadi pemula pemansang ka besai agik.

Diatu Jalan Pan Borneo udah digagak ba Sarawak lalu digagak ba endur paling mayuh Dayak diau. Beruntung bala Dayak enti nemu ngambik peluang iya ka ulih kenak ngangkat pegidup dirik empu enggau sebilik.

Badu agik mending jaku sida penyakal iya ka enggai meda bala Dayak nikik pemansang ba ekonomi. Sida iya enggai Dayak nemu bedagang lalu ulih besaing enggau bansa bukai.

Sepatut Dayak udah ulih rancang baka ni ka ngaga ekonomi bansa mansang lalu ngemaik ekonomi menua nikik enggau ngambik negara ngulih pemansang ba ekonomi.

Bala Dayak patut kerja ngambik peluang lalu ngena utai bantuan kerajaan kena ka muka dagang kedirik empu. Enda kira dagang baka kedai, betupi betanam tau gak nyadi dagang lalu ngerja lebih serius.

Hal baka nya tau di gagak Dayak diatu, anang kelalu ka makai gaji laban Dayak mayuh tanah kenak ngagak kerja nyadi dagang besai. Perintah udah nyedia pemansang, rakyat ngambik peranan ngulih hasil hasil ari pemansang iya ka udah digagak perintah. Anang meda ajak pemansang mansak ba menua Dayak.-Sarawakiana