Nadai kebuah nubuhka parti baru –Masing

KAPIT: Menteri Pemansang Tanah, Tan Sri James Jemut Masing madahka nadai kebuah deka numbuh ka sebuah parti baru.

“Kitai udah bisi empat buah kompenen parti ari baruh Barisan Nasional nengeri baka Parti Pesaka Bumiputera Bersatu (PBB), Parti Rakyat Sarawak (PRS), Progresif Demokratik Sarawak (SPDP) enggau Parti Sa’ati Rakyat Sarawak (SUPP) nya pan udah chukup.

“Enti mayuh parti, nya tau ngujungka kitai deka agi charut,” ku iya mantaika penemu pasal gaya politik ke pemadu baru nyadi di menua tu.

Iya berjako munyi nya lebuh maya pengerami Mantar Gawai Dayak ka diatur ba Dewan Suarah ari enam nyin kemari.

Kena ka ari empat miggu nyi kemari, ex- Presiden SPDP Tan Sri William Mawan Ikom enggau chairman SUPP Pampang Sibu, Dato Sri Wong Soon Koh madahka diri pansut ari parti diri sereta masuk ke Parti Tenaga Rakyat Sarawak(TERAS).

Masing ka mega presiden PRS bisi ga mai parti iya bergempung bergulai enggau SPDP sebedau tu.

Beserimbai enggau nya, Masing meransang raban Dayak terus berakup ngetanka ungkup sida baka ari segi jalai pengarap enggau ekonomi.

Udah suah orang ari luar nguji mambarka komuniti kitai,tambah iya agi.