BR1M Sigi Ungkup Rayat

Sebedau tu empai kala rayat nerima bantuan duit tunai ari kerajaan kena ungkup iya ka gaji mit enggau miskin. Amat sigi dinga Malaysia udah mansang bisi bangunan tinggi ba dunia enggau fasiliti bukai tang ba rayat menoa ulu enggau miskin enda kala ngindik utai bakanya.

Tang rayat bersyukur maya Najib nyadi Kepala Menteri menoa Malaysia, rayat udah nyepi bantuan tunai ari kerajaan baka duit Bantuan Rayat 1Malaysia (BR1M). Sigi udu jaik lalu hina rayat enti madah BR1M nya rasuah.

Baka jaku Mahathir, BR1M nya rasuah kena meli undi rayat tang rayat mayuh enda setuju jaku Mahathir. Ku rayat, BR1M sigi ungkup rayat laban iya sigi nguntung engga nulung rayat bebendar.

Apai Lungka 57, ari menoa Sri Aman madah, amat enda peduli hati rayat Mahathir nya laban sanggup madah bala rayat nerima rasuah kemaya ngulih BR1M. Enda patut urang iya ka udah nyadi Kepala Menteri menoa Malaysia bejaku baka enda nemu penusah rayat.

Floresia Julin 35 ari Bau madah Mahathir nya enda kiruh penusah rayat laban iya udahkaya anak menyanak.Ni Mahathir nemu penusah rayat tang terima kasih ngagai Najib laban ngada bantuan BR1m ngambik rayat senang berbelanja kena anak sekula enggau utai bukai.

Ari penemu jaku bala tu tadi, sigi amat BR1M nya sigi ungkup rayat endang tau pulai ke rayat baru enti kewangan menoa Malaysia mampu nulung cara bakanya. -Sarawakiana