RM30 Juta Kenak Nulong Dayak Ngetan NCR

Asal sebut hal tanah adat (NCR) ba Sarawak, iya sigi perkara besai ba sida Dayak ba menua Sarawak. Laban pasal tanah NCR kemayuh bansa ka bisi NCR sigi bansa Dayak seluruh Sarawak. Enda ulih di sangkal lagik.

Parti penyangkal pan ngena isu NCR nyadi bahan politik kena sida ngulih sukong ari bala rayat tang parti penyangkal nadai bisi cara ka ngadu utai NCR ngemanah agik. Iya nyak cuma nyadi cerita sida penyangkal ngasuh rayat benci ba perintah Barisan Nasional.

Enda sama baka perintah Barisan Nasional (BN) selalu ngiga cara kena nulong sida ka bempu NCR bisi palak tanah. Perintah negeri bisi mansut jaku ngasuh bala ka kaul mintak nyukat tanah ari Jabatan Tanah dan Survei menua tu. Perintah ngasuh ngaga baka nyak ngambik mudah kenak ngada palak surat tanah nyadi hak bempu sah.

Lagik pan perintah Malaysia ari Najib bisi ngada ungkup penyampau RM30 juta kena belanja nyukat tanah NCR ba Sarawak. Ngambik bala ka bisi tanah NCR enda ibuh mansut duit kedirik empu kenak nyukat tanah. Semua nya disedia ari perintah Malaysia nyenang ka rayat.

RM30 juta ukai mimit penyampau duit laban iya sigi kena bala rayat ngulih tanah NCR secara sah. Jadi dalam hal tu, kerajaan sigi ka nulong bala Dayak ka bisi NCR ngetan hak tanah adat supaya enda di ayah sida ka bisi kepentingan dirik empu.-Sarawakiana