Seo Services

Presiden PRS meri penetap ngagai Kepala Menteri




KUCHING: Presiden Parti Rakyat Sarawak (PRS) Tan Sri Dr James Masing meri penetap, lima iku sekretari politik parti nya deka meri servis ke pemadu manah ngagai Kepala Menteri (KM) enggau perintah Barisan Nasional (BN) Sarawak.

Ku iya, tanggungpengawa sekretari politik iya nya ngereja pengawa ungkup BN lalu pengawa nya patut diadu enggau naka pemanah.

“Aku ngelalau lima iku sekretari politik ari PRS ngemujur tanggungpen­gawa sida enggau manah. Sida nyadi pengari perin­tah ti dikearapka Kepala Menteri.

“Aku udah berandau eng­gau sida lima senentang pemerat tanggungpengawa nya pagi tu lalu sida pan meretika penemu aku.

“Sida lima sedia bejalaika tanggungpengawa nya eng­gau manah ungkup pemaik BN,” ku iya ba sebengkah aum pengarang berita maya Aum DUN ba Hari Ke-4 di bilik media Begunan Dun ditu, kemari.

Pekara tu balat matak runding Masing pengudah Kepala Menteri Tan Si Datuk Amar Adenan Satem mansutka jaku lalau ngagai semua 30 sekretari politik nengeri rambau aum ke bela digulu semua presiden parti empai lama ke udah.

Lima iku sekretari poli­tik ari PRS iya nya Datuk Wilfred Rata Nissom (ke mega Sekretari Besai PRS), Majang Renggi, Wilson Nyabong Ijang, Richard Wil enggau Angeline Umis Tujok.

Masing nambah, sekretari politik patut nemu pekara tauka penanggul ke nyadi dalam kandang endur ke dikemata lalu pekara nya pa­tut dikenatai ngagai presiden sereta Kepala Menteri.

“Nadai seiku sekretari politik tau ngereja pengawa ngelaban BN. Enti sida enda mujur bejalaika tanggung­pengawa, manah matak diri sebedau diketuka Kepala Menteri,” ku Masing.

Ngenataika pengaga diri enggau jaku lalau ari Kepa­la Menteri, Masing meri penetap, lima iku sekretari politik ari PRS deka bejalaika tanggungpengawa enggau naka pemanah ngagai Kepala Menteri sereta perintah BN.

Iya mega madah, enti sida lima enda kereja nitihka pa­tut, Masing minta pekara nya dikenataika ngagai iya.

Nitihka jaku Masing, Ade­nan rambau aum nya bisi enda lantang ati enggau pengawa sekeda sekretari politik ti semina datai ngulu pengawa enti bisi nerima undang.

Adenan mega madah, sekretari politik patut enda duduk ba mua begulai eng­gau menteri maya bisi pen­gawa tauka pengerami. Sida patut begulai enggau rayat lalu nemu pekara ke nyadi, tandu Masing.

Bela nyempulang Masing ba aum pengarang berita nya kemari, Nissom, Wil­son, Majang enggau Richard Wil.-BORNEOPOST


Presiden PRS meri penetap ngagai Kepala Menteri Presiden PRS meri penetap ngagai Kepala Menteri Reviewed by Admin on May 09, 2014 Rating: 5

No comments:

ads 728x90 B
Powered by Blogger.