FGV Plantation deka ngemesaika 5000 ikar da agi ladang FELDA Sampadi ari ti udah.

KUCHING: FELDA Global Ventures (FGV) Plantation diperambu deka ngemesaika 5,000 hektar ladang sida ba FELDA Sampadi nambah ari ke udah kena ngerembaikan nengah taun baru ke diatu.

FELDA Sampadi ti udah ditumbuhka udah nyampau 10 taun. Penolong Pengarah Seranta (FELDA) Negeri Sarawak, Opis Menteri Besai Awang Safri Awang Ahmad madahka diri arap bendar nengah program Seranta (FELDA), pemansang bukai mega deka ngerembai ba kandang ti kena bungkur program nya.

“Ke diatu FELDA Sempadi urung 19,000 hektar pemesai lalu kami dalam perambu deka ngemesaika urung 5,000 hektar nambah iya ke udah ba endur ke sama, ti dikearapka ulih dikemansang taun baru.

“Nengah program tu deka mayuh pemansang bukai ulih dikerembaika ba kandang endur ke semak nyengkaum peluang gawa, ekonomi enggau mayuh pemanah ke bukai ulih diasaika peranak menua nya,” ku iya seraya madahka Felda Sempadi Lundu dikemansangka 10 taun ke udah.

Safri mansutka pekara nya lebuh dikerandau pengarang berita ba Majlis Ramah Mesra Seranta (FELDA) Opis Menteri Besai Begulai enggau Media & Opis Pemadah Nengeri, ti diatur ba sebengkah hotel ditu ngalih hari kemari.

Lebuh ditanya pengulih kilang nangkup peminta guna ari ladang FELDA Sempadi, iya madahka, FELDA nya ngembuan kilang ke diri empu.

“Kapasiti kilang nya ulih nangkup pemesai ladang ke udah bisi diatu (19,000 hektar),” ku iya.

Safri bejaku baru madahka kelimpah di Lundu, Seranta (FELDA) mega bisi meranakka puku di Limbang nengah FELDA ba kandang endur ti besai sereta mungkur beberapa buah rumah panjai.

Iya madahka di Limbang ke dibuka di kandang menua Batu Danau diatu benung dalam proses ngikar, meresi palan enggau pengawa bukai.

“Peluang di Limbang dipejalaika nengah FELDA ti pemesai urung 10,000 hektar sereta mungkur mayuh rumah panjai.

“Taja pan mayuh penanggul tauka isu, tang kami diatu udah nerima timbal sereta sukung ti manah ari peranak menua nya,” ku iya.

Pengerami nya mega bisi digulu Pengarah Seranta (FELDA) Opis Menteri Besai Mohamad Khairudin Mohamad, Sapit Direktor Opis Pemadah Nengeri Sarawak Zaini Mohamad.