DUN Sarawak Ngemendar Mosyen minta 20 percin Royalti Minyak Enggau Gis

KUCHING: Kunsil Nengeri (DUN) udah ngemendarka mosyen minta perintah besai nikika 5 percin ke 20 percin  royalti minyak enggau gis.

Mosyen ti dibantaika oleh Abdullah Haji Saidol (BN-Semop) lalu ka disukung oleh majoriti 68 pengari rayat (ADUN) ti datai maya aum kunsil nengeri ti setuju.

Mosyen ti dibantaika nya nyimpul  ka jurai Tuai Pemegai Menua dalam DUN tu, sebedau tu minta perintah besai bekaul enggau royalti ti diterima nengeri Sarawak.

Mosyen ti dibantaika Abdullah Haji Saidol nya minta perintah besai ngambi beratka sereta meri mayuh agi agih belanja ngagai Sarawak dikena ngangkatka tikas pemanah infrastruktur pemansang lebih agi di menua pesisir.

“Peminta nikika royalti tauka geran pemansang tu deka aku ti nyadi chairman Kelab Penyukung Barisan Nasional enggau sukung sida kebukai deka dikenataika ngagai Menteri Besai enggau menteri bukai ti bekaul. Kitai ngarapka penyampau ke diterima kitai lebih ari ke diatu,” ku iya dalam aum pengarang berita ba bilik media.

Abdullah madah diri iya ngaku deka meda baru penyampau royalti minyak enggau gis tu ukai pekara ti muntang tang patut nengah chara betul jurus iya ngangkat ka tikas pemansang nengeri tu sama mujur baka di Semenanjung.

 Ku iya agi ukai semina ungkup tulung belanja aja enda chukup kerna nengeri tu merlu rayat beridup aman enggau stabil.

Nadai guna berjako aja pasal royalti sekiranya nadai sikap bersatupadu rayat.-  SARAWAKIANA