Polis Ngambi Berat Ketegal Isu Kaum

Raban Polis DiRaja Malaysia PDRM meri jaku tangkan ngagai bala mayuh awakka enda ngemantaika isu ti ulih ngasuh bala rayat enda diau enggau aman ketegal ketegangan kaum ba menua tu.

Sapit Kepala Polis Negara Datuk Seri Mohd Bakri madah ka perkara ke bakaul enggau agama, adat, peturun enggau bangsa ditagang sama sekali dibantai ba mensia mayuh kena ngulihka pengaruh tauka sokongan ari rakyat.

PDRM deka ngambi tindakan undang undang lebih lebih agi ngena Akta Hasutan 1948 ngagai bala amayuh ke bisi ngemansutka jaku tauka pengawa ti ulih ngemecah ka bangsa di menua tu.

Ia madah Ke jaku tu ketegal kena ngulas tindakan polis ti nasat Presiden Ikatan Muslimin Malaysia (isma) Abdullah Zaik Abdrahman ngena seksyen 4(1)(c) Akta Hasutan 1948 saritu.

Ketuai Kepala Opis Siasatan Jenayah Asst Kommisioner Khairi Ahrasa lebuh ditanya BERNAMA madah ka Abdullah Zaik ditasat laban bisi ngemansutka jaku ngasut enggau mega bc madahka penatai ia Bangsa Cina ngagai Tanah Melayu suba siti 'pencerobohan'.

Ba laman web pertubuhan nyak, Abdullah Zaik madahka penatai bangsa cina ke Tanah Melayu kedibai koloni British mina siti pencerobohan enggau madah bangsa nyak tadi enda sedar diri.

Kenyataan ia nyak tadi sebagai tindak balas ngagai bala ke nentang perkara dikejuraika lebih lebih agi bekaul enggau undang undang islam hudud ari bangsa ukai islam.

(terjemahan secara bebas dari berita Bernama)