Nadai bekas Border Scout,Polis di lupa

Sida ka tusah di giga di minta merik maklumat bak balai polis semak.

Miri: Perintah menua Sarawak nadai kala enda ingat bala polis ea ke udah berkhidmat maya darurat suba ba seluruh menua Malaysia ampit Border Scout ba Sarawak ,kena di beri penghargaan enggau pingat ngenang jasa sida ka udah.

Serakup Timbalan Menteri Dalam Menua Datuk Wan Junaidi Tuanku Jaafar madah enda kurang ari 146,000 bala polis ea ke udah berkhidmat maya darurat ari 1948 nangka 1990 nyadi Home Guard,Special Constable,Auxiliary Police Constable,Nourth Borneo Armed Constable,Sarawak Constabulary enggau Border Scout ba Sarawak serat Polis Diraja Malaysia.

Jaku ea lagi,Enti sida ke udah berkhidmat ba pasukan ea ka di sebut,nyadi nama sida udah bisi ba lis enggau sida ulih datai berik nama enggau butir peribadi ngagai cawangan badan atau persatuan bekas polis ea ke semak.

Enti sida tu nadai ba Sarawak,tau datai ba balai semak endur sida diau.

Wan Junaidi madah,ea agik ngiga bala polis enggau waris sida ea ke udah parai maya ngelaban komunis maya tragedi Balai Polis Siburan ba taun 1962 enggau Balai Polis Limbang maya di serang zaman pemberontakan Brunei alu 4 iku bala polis parai.

Wan Junaidi bejaku ba media maya di tanya kesal bala Polis ea berpangkat baruh ngadu perjuangan sida nadai kala di hargai enggau enda kala di kangau nerima pingat, walaupun bisi ke sida ea udah nadai agik ba dunia tu.

Wan Junaidi hadir ba Istiadat Penganugerahan Pingat Jasa Pahlawan Negara,di sempurna TYT Pehin Sri Abdul Taib Mahmud demalam.